У перыяд уборачнай кампаніі Міністэрства ўнутраных спраў паведаміла пра «максімальнае прыцягненне да працы ў сельскагаспадарчых арганізацыях працаздольных грамадзян без працы, якія знаходзяцца на ўліку ў органах унутраных спраў».
Прэс-служба ведамства заявіла, што гэтая мера «носіць не толькі дысцыплінарны, але і глыбокі сацыяльны характар».
Падкрэсліваецца, што занятасць дапамагае «умацаваць дысцыпліну, выключае безнагляднасць і стварае ўмовы для выканання вызначаных заканадаўчых патрабаванняў».
На сённяшні дзень у органах унутраных спраў на прафілактычным уліку стаяць грамадзяне, якія здзейснілі правапарушэнні ў сферы сямейна-бытавых адносін, маюць судзімасць і адбылі пакаранне ў выглядзе пазбаўлення волі.
У гэтую ж катэгорыю ўваходзяць грамадзяне, вызваленыя з лячэбна-працоўных прафілакторыяў пасля прымусовага лячэння. Акрамя таго, на ўліку знаходзяцца асобы, абвешчаныя ў вышук, і замежныя грамадзяне з абмежаваннямі на знаходжанне ў краіне.
Колькасць тых, хто стаіць на ўліку ў Беларусі, вылічаецца дзясяткамі тысяч чалавек. Паводле даных МУС за 2024 год, толькі на прафілактычным уліку хатніх гвалтаўнікоў знаходзілася 21 тысяча чалавек.
Крыніца: «Позірк»/юл