Аляксандр Лукашэнка ўдзячны свайму амерыканскаму калегу Дональду Трампу за тое, што ён агаліў палітыку Захаду.
Аб гэтым дыктатар заявіў на сустрэчы з кіраўнікамі ўрадавых дэлегацый, якія ўдзельнічаюць у пасяджэнні Еўразійскага міжурадавага савета, паведамляе дзяржаўнае агенцтва «Белта».
— Нягледзячы на тую мітусню, якая часта зыходзіць ад Трампа (раніцай — адно, вечарам — іншае), я яму ўдзячны за тое, што ён адкрыта агаліў палітыку Захаду, і перш за ўсё ЗША. Вось, як ёсць, — заявіў Лукашэнка. — Венесуэла — гэта нафта. Куба — гэта наша (гаворка пра ЗША — рэд.) бяспека, тут ні Расіі, ні Кітаю, нікому тут справы не павінна быць, гэта — наша. Грэнландыя — яна патрэбна таму вось. Ён не хаваецца за нейкімі дыпламатычнымі фармулёўкамі. А мы ўбачылі рэальную асобу заходняй палітыкі, заходняй дыпламатыі, і перш за ўсё ЗША. Таму вы, бачачы іх палітыку, рабіце сабе высновы, — сказаў Аляксандр Лукашэнка.
Ён нагадаў, што хоць называў сябе трампістам, падтрымліваючы кандыдатуру Дональда Трампа на апошніх выбарах у ЗША, пры гэтым і заўсёды адкрыта, у тым ліку вядучы перагаворы з амерыканскай дэлегацыяй, крытыкуе тыя ці іншыя дзеянні цяперашняга прэзідэнта ЗША, прама заяўляе пра сваю пазіцыю.
аз