Пра пачатак спецыяльнай вытворчасці ў дачыненні да Уладзіміра Парфіновіча 1989 года нараджэння паведаміў Следчы камітэт, інфармуе «Позірк».
Яму інкрымінуюцца злачынствы, прадугледжаныя ч. 1 і ч. 2 арт. 364 Крымінальнага кодэкса (садзейнічанне экстрэмісцкай дзейнасці), і прапануецца з’явіцца ва ўпраўленне СК па Мінскай вобласці.
Раней паведамлялася, што, паводле звестак праваабарончага цэнтра «Вясна», з 2022 года зафіксавана як мінімум 229 завочных судоў у рамках спецвытворчасці. Агульная колькасць такіх фігурантаў, мяркуючы па дадзеных у спецыяльным Тэлеграм-канале СК, складае цяпер 200 чалавек. Не менш за тры чалавекі прыцягвалі двойчы.
Спецвытворчасць прымяняецца па 34 складах злачынстваў. Сярод іх – акт тэрарызму, генацыд, найміцтва, дзяржаўная здрада, дыверсія, стварэнне экстрэмісцкага фармавання або ўдзел у ім, масавыя беспарадкі, заклікі да ўвядзення санкцый.
вс