Святлана Ціханоўская працуе над санкцыйным «спісам Тарайкоўскага». У яго ўвойдуць чыноўнікі і сілавікі, якія збіваюць і катуюць пратэстоўцаў у Беларусі, піша «Пул первой».
«Нам перадалі імёны і прозвішчы тых, хто катуе і б’е людзей. Таму мы рыхтуем асобны спіс чыноўнікаў і сілавікоў, якія ўдзельнічалі і працягваюць удзельнічаць у міліцэйскім свавольстве. Мы назвалі яго «спісам Тарайкоўскага«. Аляксандар Тарайкоўскі стаў першай ахвярай міліцэйскага гвалту. У санкцыйны спіс увойдуць асобы, датычныя да катаванняў, незаконных арыштаў і здзекаў з затрыманых. Для ідэнтыфікацыі вінаватых мы актыўна працуем з праваабаронцамі і праектам «Чорная кніга Беларусі«. Спіс будзе апублікаваны і будзе пастаянна пашырацца.
Я прапаную сілавікам спыніць гвалт і перайсці на бок беларускага народу. У адваротным выпадку вам не пазбегнуць справядлівага суду і пакарання», – піша тэлеграм-канал Ціханоўскай.
аев