Беларуская дэмакратычная апазіцыя атрымала прэмію імя Андрэя Сахарава. Гэта ўзнагарода Еўрапейскага парламента, якая ўручаецца за заслугі ў барацьбе за дэмакратыю і правы чалавека.
Узнагароду атрымалі прадстаўнікі Каардынацыйнай рады, якая прадстаўляе апазіцыю.
Прэмія павінна падтрымаць барацьбу за дэмакратыю ў Беларусі. "У апошнія месяцы вы паказалі ўсяму свету, што значыць не здавацца. Вы абаранілі свае правы і не перасталі змагацца, нягледзячы на боль, пакуты і страх. Мы выказваем Вам сваю пашану і гонар за ваш супраціў", - сказаў старшыня Еўрапарламента Дэвід Сасолі.
Упершыню Еўрапейскі парламент прысудзіў прэмію Сахарава ў 1988 годзе. Тады яе атрымалі разам Нэльсан Мандэла і Анатоль Марчанка. Што тычыцца прадстаўнікоў Беларусі, у 2004 годзе прэмію атрымала Беларуская асацыяцыя журналістаў, а праз два гады лаўрэатам прэміі Сахарава стаў адзін з лідэраў апазіцыі Аляксандр Мілінкевіч.
Узнагарода была названа ў гонар Андрэя Сахарава, стваральніка савецкай вадароднай бомбы, які пазней прыняў удзел у прадухіленні разбуральных наступстваў свайго адкрыцця і змагаўся за правы чалавека ў СССР.
Бэата Пламэцка/нг