«Белпошта» раптоўна выключыла чарговае беларускае выданне з падпіснога каталогу на другое паўгоддзе. Газета «Новы Час» больш не падлягае падпісцы. Гэта было апошняе незалежнае перыядычнае выданне, якое даходзіла да зняволеных.
Людзі ў ізалятарах і калоніях Беларусі могуць глядзець дзяржаўнае тэлебачанне, слухаць дзяржаўнае радыё і чытаць газеты, якія можна атрымаць па падпісцы праз «Белпошту».
Раней «Новы Час» быў зняты з продажу ў дзяржаўных шапіках. Такім чынам, ён падзяліў лёс іншых незалежных газет, якія нельга купіць у шапіках і падпісацца на іх.
«Новы Час» выходзіў тыражом у некалькі тысяч асобнікаў. Паводле падлікаў рэдакцыі, некалькі соцень асобнікаў былі накіраваны людзям, якія знаходзяцца ў калоніях, у тым ліку палітвязням.
яс