Дырэктарку арганізацыі «Геном» Дар’ю Царык арыштавалі на 8 сутак

Дар’я Царык з’яўляецца дырэктаркай «Генома» - арганізацыя, якая займаецца дапамогай людзям з рэдкімі генетычнымі нейра-цяглічнымі захворваннямі.

Дар'я Царык

Крыніца: "Наша Ніва"

30-гадовую Дар’ю Царык затрымалі раніцай 13 студзеня ў Мінску. Супрацоўнікі ГУБАЗІКу правялі ў яе кватэры ператрус, а потым павезлі на допыт. Ужо ў Першамайскім РУУС на дзяўчыну склалі пратакол па адміністрацыйнай справе, піша  «Наша Ніва».

Суд над актывісткай адбыўся ў гэты ж дзень. Вынік — 8 сутак адміністрацыйнага арышту, артыкул пакуль невядомы.

Дар’я Царык з’яўляецца дырэктаркай «Генома» (арганізацыя, якая займаецца дапамогай людзям з рэдкімі генетычнымі нейра-цяглічнымі захворваннямі), а таксама сяброўкай праўлення арганізацыі Радзіслава (дапамагае жанчынам і дзецям, якія сталі ахвярамі хатняга гвалту).

эж