Аляксандра Бабко асудзілі па рэзананснай «справе цюкоў» да года калоніі. Пасля вызвалення былы палітвязень з'ехаў у бяспечнае месца, паведамляе Вясна.
Пасля вызвалення Бабко зрабіў МРТ, прайшоў медыцынскае абследаванне. Паводле заключэння лекараў, яму патрабуецца сшыць звязкі на абодвух каленях і праапераваць адзін меніск. Пасля гэтага Аляксандру патрэбна будзе замена абодвух каленных суставаў. Без лячэння мужчына можа застацца інвалідам.
Дзве аперацыі плануюцца на працягу года. Аднаўленне пасля кожнай аперацыі зойме 3-4 месяцы, на працягу якіх Аляксандр будзе перасоўвацца на мыліцах. Аляксандр Бабко будаўнік. Ён увесь гэты час не зможа працаваць і зарабляць на жыццё. Акрамя таго, страхоўка не зможа пакрыць усю суму на аперацыю і аднаўленне, частку давядзецца даплачваць.
яс