Паводле інфармацыі праваабаронцаў, затрыманні працягваюцца па ўсёй краіне ў межах артыкула 361-4 КК (Садзеянне экстрэмісцкай дзейнасці). Большасць фігурантаў справы – мужчыны.
Таксама вядома пра не менш за шэсць распачатых судовых працэсаў у рамках «справы Гаюна», а таксама пра як мінімум 38 пацверджаных фігурантаў.
«Агульная ж лічба затрыманых значна большая. Некаторым затрыманым падаўжаюць меру стрымання пад вартай на некалькі месяцаў», – падкрэсліваюць у «Вясне».
Маніторынгавы праект «Беларускі Гаюн» быў створаны для адсочвання вайсковай актыўнасці расіян на тэрыторыі Беларусі. У лютым гэтага года праект спыніў працу. Гэта адбылося пасля таго, як стала вядома аб уцечцы дадзеных да сілавікоў «Гаюна» і людзі, якія адпраўлялі інфармацыю, апынуліся ў небяспецы. Людзей затрымліваюць за тое, што яны дасылалі ў «Беларускі Гаюн» фота і відэа з расійскімі вайскоўцамі і тэхнікай.
вх