6 верасня ў Беларусі былі скарэктаваныя падыходы да працаўладкавання замежных грамадзян.
«Урадам прынята рашэнне, у якім вызначаны пералік прафесій працоўных і пасад служачых, для заняцця якімі замежным мігрантам спатрэбіцца прайсці ацэнку ведання валодання адной з дзяржаўных моў – беларускай або рускай. Гэта вельмі важнае і адначасова простае рашэнне», – сказала першы намеснік міністра працы і сацабароны Таццяна Астрэйка, перадае БЕЛТА.
У пералік увайшлі такія прафесіі, як вадзіцель аўтамабіля, прадавец, цырульнік, афіцыянт, адміністратар і шэраг пасад медыцынскага профілю.
«Усе яны прадугледжваюць непасрэдны кантакт з насельніцтвам. Гэтае рашэнне было прынятае для падвышэння якасці аказання паслуг насельніцтву», – дадала Таццяна Астрэйка.
«Патрабаванні да ацэнкі ведаў прад'яўляюцца з пункту гледжання абʼёму, неабходнага для зносін, не больш за тое. Гэта трэба для таго, каб, калі мы прыходзім у краму, цырульню або садзімся ў таксі, маглі выказаць свае жаданні і быць пачутымі», – падзялілася эксперт.
Мігрантам прапануюць прафесіі з пераліку сёння запатрабаваны як у наймальнікаў, так і ў саміх працоўных мігрантаў. «Па гэтых прафесіях заяўлена 24 тысячы вакансій. Па іх працуе каля 4 тысяч замежных работнікаў», – распавяла Таццяна Астрэйка.
Міністэрства адукацыі ўжо вызначыла пералік пунктаў ацэнкі ведаў дзяржаўнай мовы. Яны будуць размешчаны ў кожным абласным цэнтры, а таксама ў Мінску. Сама ацэнка будзе рабіцца ў пісьмовай форме, а на праходжанне тэсту будзе 30 хвілін.
Ацэнка ведаў будзе праводзіцца да заключэння працоўнага дагавора, які будзе заключаны толькі ў тым выпадку, калі мігрант паспяхова пройдзе тэст на ацэнку ведаў мовы.
вх