Праваабаронцы з ПЦ «Вясна» пішуць, што людзей вызвалілі ад адказнасці за ўдзел у пратэстах, бо ўжо мінула 5 гадоў з моманту некаторых акцый пратэсту, а значыць скончыўся тэрмін даўніны прыцягнення да адказнасці паводле гэтага крымінальнага артыкулу, пасля чаго іх удзельнікаў нельга асудзіць.
Нягледзячы на вызваленне ад адказнасці, гэтых людзей усё роўна дадалі ў міліцэйскі «спіс экстрэмістаў».
Асобам, унесеным у спіс «экстрэмістаў» забараняецца:
- займацца дзейнасцю, звязанай з абаротам наркатычных сродкаў, псіхатропных рэчываў, зброі, боепрыпасаў і выбуховых рэчываў;
- педагагічнай дзейнасцю,
- выдавецкай дзейнасцю,
- займаць дзяржаўныя пасады
- і праходзіць воінскую службу.
Акрамя таго, іх фінансавыя аперацыі падлягаюць «асабліваму кантролю». Па словах праваабаронцаў з «Вясны», гэта значыць, што калі трапіўшаму ў спіс перавядуць на рахунак грошы, то банк паведаміць пра гэта ў Камітэт дзяржаўнага кантролю.
Для іншаземцаў і асоб без грамадзянства ўключаных у спіс, прыгавор суда з'яўляецца падставай для адмовы ў выдачы візы для ўезду ў Беларусь або адмова ва ўездзе.
Аднак у Беларусі працягваецца пераслед паводле арт. 293 КК (удзел у масавых беспарадках).
З 18 студзеня ў Беларусі адбыліся 9 хваляў памілавання палітзняволеных — агулам было вызвалена 170 чалавек. Аднак за гэты час 283 чалавекі атрымалі статус палітвязня. Гэта людзі з усёй Беларусі, рознага ўзросту і сацыяльнага статусу, якія абвінавачваюцца па шэрагу палітычных артыкулаў.
вх