Абодва яны пакуль застаюцца ў Ватыкане, паведамляе katolik.life.
Ніякай афіцыйнай інфармацыі пра гэта пакуль так і не з'явілася. Афіцыйных сустрэч з іх удзелам таксама не было, на апошняй Генеральнай аўдыенцыі Папы Рымскага перад яго выездам у Турцыю святароў не заўважылі. Сувязі з імі па-ранейшаму няма, яны пакуль не могуць мець кантакты з прэсай.
У Беларусі вызвалілі двух ксяндзоў - Генрыха Акалатовіча і Анджэя Юхневіча
Тым часам, вернікі даведаліся, што ксяндза Генрыха Акалатовіча чакае новы суд у Беларусі. Гэтым разам – па забароне выезду за мяжу, хоць па факце яго ўжо вывезлі з краіны. Такая грамадзянская справа зʼявілася ў раскладзе суда Баранавіцкага раёна на 2 снежня.
Падставай для гэтага абмежавання стаў велізарны доўг, прыпісаны святару. Па абвінавачванні ў «здрадзе дзяржаве» акрамя пазбаўлення волі тэрмінам на 11 гадоў ксяндза Акалатовіча абавязалі выплаціць нібыта нанесеную дзяржаве шкоду сумай 1 млн 700 тысяч рублёў – гэта 500 тысяч еўра.
У сувязі з гэтым накладзены арышт на маёмасць і канфіскаваныя пры затрыманні святара вялікія сумы грошай. Наколькі вядома вернікам, гэта маёмасць, у тым ліку аўтамабілі, належаць парафіі, а большая частка грошай – яго сваякам, а не яму самому.
Выходзіць, што «памілаванне» ксяндза Акалатовіча толькі частковае і не тычыцца матэрыяльнай часткі прысуду.
вх