Еўрапейскі Cаюз афіцыйна ўвёў новыя санкцыі супраць Беларусі, сінхранізаваўшы іх з 21-м пакетам абмежаванняў супраць Расіі, — піша «Люстэрка».
Пад санкцыі трапілі Мазырскі нафтаперапрацоўчы завод, Еўрапейская гандлёвая кампанія і тры беларускія прадпрыемствы, звязаныя з абароннай прамысловасцю. ЕС таксама пашырыў гандлёвыя, экспартныя і фінансавыя абмежаванні.
У Брусэлі заявілі, што новыя меры звязаныя з працягам падтрымкі Мінскам расійскай агрэсіі супраць Украіны. Абмежаванні закранулі экспарт у Беларусь нікелю і яго сплаваў, асобных матэрыялаў для авіяцыйнай і абароннай прамысловасці, а таксама абсталявання для беспілотнікаў.
ЕС таксама забараніў імпарт з Беларусі шэрагу руд і металаў, неапрацаванага цынку, вырабаў са шкла і аўтазапчастак. З 25 жніўня абмежаванні распаўсюдзяцца амаль на ўсе паслугі ў сферы крыптаактываў для беларускіх грамадзян і рэзідэнтаў.
Акрамя таго, санкцыі ЕС закрануць беларускія прадпрыемствы, якім забароняць пастаўляць тавары і тэхналогіі падвойнага прызначэння. Разам з тым ЕС прадугледзеў выключэнні для абсталявання, неабходнага для падтрымання грамадзянскай інтэрнэт-інфраструктуры ў Беларусі.
эж