Чарговыя выпадкі заражэння каронавіруса выяўленыя ў Польшчы. – Усе пацыенты знаходзяцца пад медыцынскім наглядам, – сказаў міністр аховы здароўя Лукаш Шумоўскі.
Агулам у Польшчы вірус пацвердзілі ў пяці чалавек. Двое пацыентаў, якія вярнуліся з Італіі, знаходзяцца на лячэнні ў Шчэціне, адзін пацыент – ва Уроцлаве, адзін у Aструдзе і адзін у Зялёнай-Гуры.
Кіраўнік Міністэрства здароўя паведаміў, што адзін інфікаваны ехаў на аўтобусе з чалавекам, у якога пацвердзілі першы выпадак каронавіруса ў Польшчы. Два чалавекі вярнуліся з Італіі, адзін з Нямеччыны, адзін верагодна заразіўся ў Вялікабрытаніі.
Людзі заражаныя каронавірусам у маладым і сярэднім узросце.
Эпідэмія пнеўманіі, выкліканая новым тыпам каронавіруса, успыхнула ў снежні ў горадзе Ухань, у цэнтральным Кітаі. Паводле афіцыйных дадзеных, да гэтага часу пацверджана больш за 95 тысяч выпадкаў заражэння і амаль 3300 смерцяў, звязаных з вірусам.
Шматлікія мерапрыемствы па ўсім свеце адмененыя. Эпідэмія таксама выклікае праблемы з мабільнасцю, многія авіярэйсы адмененыя.
яс