Міністэрства аховы здароўя Польшчы паведаміла аб 8 новых выпадках заражэння каранавірусам. Чатыры з іх зафіксаваныя ў Вармінска-Мазурскім ваяводстве, два – у Сілезскім і яшчэ па адным у Падкарпацкім і Свентакшыскім ваяводствах.
Міністр аховы здароўя Польшчы Лукаш Шумоўскі заявіў што, бліжэйшым часам варта чакаць значнага павелічэння колькасці заражаных:
-Без сумневу, у бліжэйшыя дні варта чакаць яшчэ большага павелічэння колькасці інфікаваных. Аб гэтым сведчаць усе прагнозы і ацэнкі сітуацыі. Усё кажа пра тое, што ў бліжэйшыя тыдзень або два будзе вялікае павелічэнне ліку хворых.
Да гэтага часу ў Польшчы зарэгістраваны 251 выпадак заражэння каранвірусам, у тым ліку 5 лятальных выпадкаў. Між тым, у лякарні ў Зялёнай Гуры абвясцілі, што вынікі аналізаў нулявога пацыента ўжо адмоўныя – з'явіўся першы паляк, які перастаў быць носьбітам хваробы.
IAR/эж