X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

«Газпром» вярнуў Польскай нафтагазавай кампаніі пераплаты за газ

01.07.2020 15:30
«Газпром» пералічыў польскай кампаніі 1,5 млрд долараў доўгу, згодна з рашэннем Стакгольмскага арбітражнага суда. 
ГазMagnascan/pixabay.com/CC0 Public Domain

Кіраўнік Польскай нафтагазавай кампаніі (PGNiG) Ежы Квяціньскі паведаміў, што расійская кампанія «Газпром» ажыццявіла грашовы перавод на рахунак PGNiG. «Мы ведаем, што «Газпромам» пералічаныя грошы, пераплачаныя намі за газ. Мы чакаем пацвярджэння, калі яны паступяць на наш рахунак, пра што паведамім неадкладна«, – напісаў кіраўнік PGNiG у Twitter.

Раней агенцтва Reuters паведаміла, што «Газпром» пералічыў польскай кампаніі 1,5 млрд долараў доўгу, згодна з рашэннем Стакгольмскага арбітражнага суда. Па дадзеных агенцтва, расійскі газавы гігант заявіў, што вярнуў у аўторак польскай кампаніі поўную суму пераплаты за газ.

Па словах кіраўніка Кабінета прэзідэнта Польшчы Кшыштафа Шчэрскага, гэта вялікі міжнародны поспех Польшчы:

-1,5 мільярда долараў – гэта вялікая дыпламатычная і судовая перамога Польшчы над кампаніяй, якая несанкцыянавана завышала кошты на газ для Польшчы і вымушана была за гэта заплаціць. Дзякуючы гэтаму можна было панізіць цэны за газ для прыватных асоб.

30 сакавіка Стакгольмскі арбітражны суд вынес рашэнне ў спрэчцы паміж PGNiG і «Газпромам». Разбіральніцтва тычылася кантрактнай цаны пры пастаўках газу ў Польшчу паводле Ямальскага кантракту. Суд змяніў цэнавую формулу на карысць польскага боку, звязаўшы яе з еўрапейскім рынкам. Новая, больш нізкая цана будзе прыменена да паставак, якія ажыццяўляліся з 1 лістапада 2014 года, калі PGNiG падала заяўку на перагляд гэтай формулы.

ав