Каля сейму (ніжэйшая палата парламенту) адбыўся пратэст супраць рашэння Канстытуцыйнага суду аб абортах. Гэта чарговая дэманстрацыя пратэсту ў апошнія дні.
У аўторак так званая жаночая забастоўка ў Варшаве апублікавала ў сацыяльных сетках зварот да людзей, якія знаходзяцца ў сталіцы і выступаюць супраць пастановы Канстытуцыйнага суду, прыйсці на пратэст. Перад сеймам сабралася некалькі дзясяткаў чалавек. Некаторыя дэманстранты перакрылі ўваход у парламент. Паліцыя стрымлівала прысутных, каб дэманстранты не набліжаліся да парламента.
Шматтысячныя пратэсты супраць узмацнення жорсткасці закона аб абортах працягваюцца з чацвярга. Гэта вынік пастановы Канстытуцыйнага суду, у якой гаварылася, што палажэнне, якое дазваляе, згодна законам 1993 года, перарыванне цяжарнасці ў выпадку сур’ёзнай паталогіі развіцця плоду або невылечнай хваробы, якая пагражае жыццю, не адпавядае канстытуцыі.
Польскае агенцтва друку/нг