X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Прэзідэнт Польшчы: Мы можам быць свабоднымі толькі разам, і гэта вялікае жаданне падзяляюць нашы сябры з Беларусі

03.05.2021 15:19
У Варшаве праходзяць урачыстасці з нагоды 230-годдзя Канстытуцыі 3-га траўня, у іх прымаюць удзел прэзідэнты Польшчы, Літвы, Эстоніі, Латвіі ды Украіны.
    ,    ,    ,         , , 3  2021
Прэзідэнты Латвіі – Эгілс Левітс, Эстоніі – Керсці Кальюляйд, Польшчы – Анджэй Дуда, Украіны – Уладзімір Зяленскі ды Літвы – Гітанас Наўседа, Варшава, 3 траўня 2021 года Крыніца: Foto: twitter.com/@prezydentpl

З нагоды 230-ай гадавіны прыняцця Канстытуцыі 3-га траўня ў Варшаве праходзяць міжнародныя ўрачыстасці, у якіх прымаюць удзел прэзідэнты Польшчы – Анджэй Дуда, Літвы – Гітанас Наўседа, Эстоніі – Керсці Кальюляйд, Латвіі – Эгілс Левітс ды Украіны – Уладзімір Зяленскі. Кіраўнікі дзяржаў падпісалі сумесную дэкларацыю, прысвечаную агульнай спадчыне Канстытуцыі 3 траўня. Пасля ў Каралеўскім замку ў Варшаве пачаліся дэбаты, прысвечаныя будучаму Еўропы, ў тым ліку пытанню міжнароднай бяспекі.

Ва Уладзіміра Зяленскага ў Варшаве намечаная асобная двухбаковая сустрэча з прэзідэнтам Польшчы Анджэем Дудам. Адна з тэмаў перамоваў – пытанні, звязаныя з бяспекай. Верагодна, што гаворка будзе ісці, у тым ліку, аб нядаўняй канцэнтрацыі расійскіх войскаў каля ўкраінскай мяжы і аб пагрозах бяспекі ў Цэнтральна-Усходняй Еўропе.

Увечары адбудзецца ўрачыстая вячэра, якую ладзіць гаспадар сустрэчы Анджэй Дуда для ўсіх прэзідэнтаў, якія прыбылі на святкаванне.

Выступаючы перад дэбатамі прэзідэнт Польшчы Анджэй Дуда аднёсся і да тэмы Беларусі. Польскі лідар заявіў, што беларусы маюць права, каб іх дэмакратычныя і еўрапейскія памкненні як мага хутчэй прыдбалі рэальную форму. Як казаў прэзідэнт Анджэй Дуда, жыхары Цэнтральнай і Усходняй Еўропы разумеюць, што свабоднымі яны могуць быць толькі разам:

- Мы, палякі, літоўцы, украінцы, латышы ды эстонцы разумеем, што толькі адначасовама мы ўсе зможам жыць у сваіх дэмакратычных і суверэнных айчынах, карыстаючыся свабодамі, уласцівымі сучаснай дэмакратычнай Еўропе. Мы дакладна ведаем, што гэта вялікае жаданне падзяляюць нашыя сябры з Беларусі. Адзінагалосна прызнаем, што яны маюць права, каб іх дэмакратычныя і еўрапейскія памкненні як мага хутчэй прыдбалі рэальную форму.

Сустрэча кіраўнікоў дзяржаў прымеркаваная да 230-й гадавіны прыняцця Канстытуцыі Рэчы Паспалітай. Ухвалены ў 1791 годзе дакумент быў накіраваны на ўмацаванне палітычнай сістэмы, вяршэнства права і абарону ад агрэсіі суседніх дзяржаў, перад усім Расіі. Гэтую Канстытуцыю называюць першым у сваім родзе дэмакратычным дакументам Еўропы. Праз 4 гады пасля яе прыняцця Рэч Паспалітая перастала існаваць у выніку яе падзелу паміж Расіяй, Прусіяй і Аўстрыяй.

iar/pap/эж

ЗША віншуюць Польшчу з Днём Канстытуцыі 3 траўня 1791 года

03.05.2021 08:26
Энтані Блінкен нагадаў, што абедзве краіны прынялі асноўныя законы яшчэ ў XVIII стагоддзі і менавіта ў гэты перыяд свае вытокі атрымала дружба паміж Польшчай і ЗША.

З нагоды 230 гадавіны Канстытуцыі 3 траўня ў Варшаве сустракаюцца прэзідэнты Польшчы, Літвы, Латвіі, Эстоніі ды Украіны

03.05.2021 09:04
Прэзідэнты Літвы, Латвіі, Эстоніі і Украіны былі запрошаныя прэзідэнтам Польшчы Анджэем Дудам на святкаванне 230 гадавіны прыняцця гэтакага дакументу ў Каралеўскім замку ў Варшаве.

Прэзідэнт Літвы ў польскім Сейме: Перад тварам агрэсіі неабходна аб'яднацца і мабілізаваць сілы

03.05.2021 11:15
На сумесным пасяджэнні сеймаў Польшчы і Літвы, прымеркаванаму 230-годдзю Канстытуцыі 3 траўня, Наўседа заклікаў разам супрацьстаяць пагрозам Расіі супраць Украіны і Беларусі.