Супрацоўнікі Памежнай службы і Цэнтральнага следчага бюро паліцыі перахапілі 400 тыс. пачак нелегальных цыгарэт. На чорным рынку кантрабанда, якая паступіла з Літвы, каштуе амаль 6 мільёнаў злотых.
Праверка фуры на дарозе каля Сувалак была праведзена ў рамках сумеснай дзейнасці Пагранічнай службы і паліцыі. Замест цеплаізаляцыйных матэрыялаў, грамадзянін Літвы вёз беларускія цыгарэты без акцызных знакаў. Калі б цыгарэты паступілі на рынак, дзяржаўная казна Польшчы страціла б 9 мільёнаў 700 тысяч злотых.
У пракуратуры ў Сувалках затрыманаму літоўцу былі прад'яўленыя абвінавачанні, ён арыштаваны на 3 месяцы. Затрыманаму пагражае пазбаўленне волі тэрмінам да 10 гадоў.
ІАР ПР/нг