Прэзідэнт Малдовы Мая Санду заявіла, што яе краіна абрала шлях еўрапейскай мадэрнізацыі. Яна дзякавала Польшчы за падтрымку Малдовы ў ЕЗ і еўраатлантычных структурах. Мая Санду знаходзіцца з афіцыйным візітам у Варшаве. У першай палове дня, 21 чэрвеня яна правяла перамовы з прэзідэнтам Польшчы Анджэем Дудам.
Прэзідэнт Мая Санду выказала надзею, што падчас паскораных парламенцкіх выбараў, якія пройдуць 11 ліпеня, еўрапейскі шлях Малдовы будзе пацверджаны:
-Мы высока цэнім пастаянную падтрымку Польшчай нашых еўрапейскіх памкненняў, а таксама падтрымання ўключэння Рэспублікі Малдова ў еўрапейскія праграмы дапамогі. Тут я таксама адзначаю важнасць «Плана рэканструкцыі» у памеры 600 мільёнаў еўра, нядаўна прапанаванага Еўрапейскай камісіяй нашай краіне, які дапаможа нам аднавіць эканоміку, падтрымаць малы і сярэдні бізнес і стварыць новыя працоўныя месцы.
Майя Санду нагадала, што Польшча зʼяўляецца адным з дзяржаў-заснавальнікаў Усходняга партнёрства. У гэтай праграме, па яе словах, Малдова з вялікім поспехам удзельнічае ўжо больш за 10 гадоў. «Мы разлічваем на падтрымку, а таксама на бачанне з боку Польшчы, калі гаворка ідзе аб умацаванні супрацоўніцтва ў рамках Усходняга партнёрства», – заявіла Санду. Прэзідэнт Малдовы таксама закранула пытанні бяспекі:
- Польшча зʼяўляецца вельмі важнай крыніцай бяспекі ў рэгіёне. Мы хацелі б дамагчыся ўмацавання супрацоўніцтва паміж нашымі краінамі і ў галіне бяспекі, у тым ліку энергетычнай бяспекі.
У Варшаве прэзідэнт Малдовы таксама сустрэлася са старшынямі Сейма і Сената Польшчы.
iar/эж