Супрацоўнік аэрапорту паведаміў журналістам, што рашэнне было змененае «ў апошнюю хвіліну». Ціманоўская адмовілася размаўляць з прадстаўнікамі СМІ перад вылетам.
Паводле слоў кіраўніка Народнага антыкрызіснага ўпраўлення Паўла Латушкі, беларуская спартсменка плануе сёння прыбыць у Варшаву. Дакладная гадзіна не паведамляецца.
- Сапраўды, мы даведаліся ноччу, што змяніўся рэйс, якім яна вылецела з Токіа ў Варшаву, што гэта будзе праз Вену. Хутчэй за ўсё, як мы мяркуем, гэта звязана з пытаннямі бяспекай. Учора ноччу, калі я размаўляў з ёю, то яна казала што застанецца ў Польшчы, у Варшаве. Але гэтае рашэнне павінна агучыць яна сама.
Крысціна Ціманоўская атрымала польскую гуманітарную візу і знаходзіцца пад апекай польскай дыпламатычнай службы.
яс