Учора супрацоўнікі польскай Памежнай службы зафіксавалі 115 спробаў незаконнага перасячэння мяжы з Беларусі. Былі арыштаваныя 22 нелегалы. Сярод іх: 11 грамадзян Ірака, 10 грамадзян Сірыі і адзін грамадзянін Самалі. 93 спробы перасекчы мяжу былі перадухіленыя памежнікамі.
У жніўні такіх спробаў было каля 3,5 тысячы. Больш за 2,5 тысячы іх былі спыненыя памежнікамі. Затрыманыя былі амаль тысячa нелегалаў.
Паводле Памежнай службы, год таму ў жніўні спробаў перасячэння мяжы не было. На думку польскіх уладаў і Еўрасаюза, павелічэнне колькасці мігрантаў – вынік мэтанакіраванай палітыкі Аляксандра Лукашэнкі, які такім чынам спрабуе дэстабілізаваць сітуацыю ў Заходняй Еўропе.
IAR/аз