За суткі польская Памежная служба зафіксавала 50 спробаў незаконнага перасячэння польска-беларускай мяжы. Затрыманыя былі 21 мігрант. Прэс-сакратар Памежнай службы Анна Міхальска (Anna Michalska), паведамляе, што сярод затрыманых мігрантаў былі грамадзяне Ірака, Сірыі, Афганістана, Егіпта і Лівана:
-Дадаткова мы затрымалі аднаго грамадзяніна Арменіі за дапамогу ў нелегальным перасячэнні мяжы. Згаданы мужчына планаваў перавезці ў глыб Польшчы мігрантаў з Сірыі і Лівану. Пасля выканання ўсіх неабходных працэдураў, затрыманыя нелегалы рашэннем суда будуць накіраваныя ў цэнтры для іншаземцаў.
Апошнім часам Памежная служба фіксуе ўсё больш спробаў незаконнага перасячэння мяжы з Беларусі. На думку польскіх уладаў і Еўрасаюза, гэта вынік наўмыснай палітыкі беларускіх уладаў, якія такім чынам спрабуюць дэстабілізаваць сітуацыю ў Заходняй Еўропе.
IAR/аз