Памежная служба Польшчы затрымала на польска-беларускай мяжы дзесяць нелегальных імігрантаў — гэта грамадзяне Ірака і Афганістана.
З 2 верасня ў памежнай зоне з Беларуссю — у частцы Падляшскага і Любельскага ваяводстваў, дзейнічае надзвычайнае становішча. Яно ахоплівае 183 населеных пункты. Рэжым надзвычайнага становішча быў уведзены на 30 дзён у адпаведнасці з указам прэзідэнта Анджэя Дуды.
Прадстаўнікі ўрада абгрунтоўваюць неабходнасць увядзення надзвычайнага становішча сітуацыяй на мяжы з Беларуссю, дзе рэжым Лукашэнкі вядзе "гібрыдную вайну", а таксама вучэннямі Расіі "Захад-2021", якія пачаліся 10 верасня.
polskieradio.pl/вх