У бліжэйшую нядзелю ў Беластоку пройдзе дабрачынны футбольны матч, сродкі ад якога пойдуць на падтрымку беларускіх уцекачоў.
Ініцыятарам выступіў польскі дэпутат Робэрт Тышкевіч. Ён звяртае ўвагу на тое, што нельга забываць пра рэпрэсіі ў Беларусі:
-Апошнім часам сітуацыя з Беларуусю атаесамляецца толькі з сітуацыяй на мяжы. Аднак, мы не можам забываць, што там надалей працягваюцца маштабныя рэпрэсіі. Не можна перастаць пра гэта гаварыць. Таму мы сёння заклікаем фінансава падтрымаць рэпрэсаваных і іх сем’і.
У акцыі ўдзельнічае колішні гулец польскай нацыянальнай футбольнай каманды, а цяпер палітык Томаш Франкоўскі.
-Хачу звярнуць увагу, што мы знаходзімся на памежжы. Наш абавязак – гэта не толькі рэпосты ў фэйсбуку і акцыі на мяжы, але і магчымасць арганізаваць спартыўныя мерапрыемствы.
Матч адбудзецца 26 верасня, пачатак у 12 гадзін (польскага часу).
ав
.