Сітуацыя на польска-беларускай мяжы становіцца ўсё больш напружанай, такім чынам міністр нацыянальнай абароны Польшчы пракаментараваў, апублікаванае ў сацсетках міністэрства відэа, на якім мігранты нападаюць на польскія памежныя пасты.
Марыюш Блашчак падкрэсліў, што такія сітуацыі цяпер штодзённая з’ява. На відэа відаць, як маладыя людзі закідваюць польскіх афіцэраў камянямі і галінамі, а таксама крычаць. Сярод іх, паводле польскіх службаў быў таксама беларус.
«Агрэсіўныя паводзіны мігрантаў у адносінах да польскіх службаў зараз звычайная справа (…) Мы захоўваем спакой. Не рэагуем на правакацыі», – паведамляе Памежная служба.
Раней прэс-сакратар міністра-каардынатара спецслужбаў Станіслаў Жарын апублікаваў запіс мігрантаў у Мінску. Большасць з іх – маладыя мужчыны. Эксперт напісаў, што мігранты атрымліваюць канкрэтныя інструкцыі «запэцкаць вопратку і, што ў кожнай групе трэба выстаўляць дзяцей ».
Паводле Жарына, такім чынам беларусы хочуць аказаць дадатковы ціск на палякаў і павялічыць шанец, што тое польскі бок канчаткова пагадзіцца на нелегальную міграцыю.
IAR/аз