Прэс-сакратар міністра-каардынатар спецслужбаў Польшчы Станіслаў Жарын у Twitter паведамляе аб падрыхтоўцы масавага штурму польскай мяжы:
-Вельмі трывожная інфармацыя з мяжы. У Беларусі, недалёка ад мяжы з Польшчай, сабралася вялікая група мігрантаў. Яны толькі што рушылі ў бок польскай мяжы. Яны паспрабуюць масава прайсці ў Польшчу. (...) Пачалася найбуйнейшая спроба сілавога ўварвання ў Польшчу.
Тым часам намеснік кіраўніка МЗС Польшчы Пётр Ваўжык заявіў, што дзеянні рэжыму Лукашэнкі прывядуць да смяротных ахвяр:
- Перакананы, гэта нават не ўражанне, а я перакананы, што беларускія ўлады імкнуцца да эскалацыі, якая прывядзе да таго, што будуць смяротныя ахвяры з аднаго з бакоў.
Раніцай 8 лістапада вялікая калона мігрантаў прыбыла да беларуска-польскай мяжы. Паводле папярэдніх ацэнак, у ёй некалькі сотняў чалавек. Не дайшоўшы 300 метраў да памежнага пераходу Брузгі сілавікі накірвалаі калону ў лес, дзе мігранты пачалі разбіваць лагер.
У 13.00 у Варшаве распачнецца пасяджэнне ўрадавага антыкрызіснага штабу.
iar/pap/эж