Каля Кузніцы паліцыя сарвала спробу перасячэння мяжы групай мігрантаў

«Беларускія вайскоўцы прыціснулі гэтых людзей да агароджы з калючага дроту», – паведамляе паліцыя.

Здымак мае ілюстрацыйны характар.

Photo:arembowski/pixabay.com/CC0 Public Domain

Увечары ў чацвер каля Кузніцы ў Падляшскім ваяводстве група з каля 35 чалавек, у асноўным жанчын і дзяцей, спрабавала нелегальна перасячы мяжу з Беларусі. Перайсці мяжу мігрантаў спрабавала сілай прымусіць беларуская армія, паведаміла ў пятніцу раніцай падляшская паліцыя.

«Учора (чацвер) каля 20.00 у раёне Кузніцы беларускае войска спрабавала падштурхнуць на польскі бок 35 чалавек, у асноўным жанчын і дзяцей. Беларускія вайскоўцы прыціснулі гэтых людзей да агароджы з калючага дроту. Спробу сарвалі супрацоўнікамі паліцыі, Памежнай службы і жаўнеры», – сказаў прэс-сакратар падляшскай паліцыі Тамаш Крупа.

Ён дадаў, што цяпер у гэтым месцы на беларускім баку знаходзіцца група з каля двухсот чалавек, за якой сочаць беларускія вайскоўцы.

Bedziemy czuwać. Spokojnej nocy. @PolskaPolicja pic.twitter.com/pXW5Uq1vvR

— podlaska Policja (@podlaskaPolicja) November 11, 2021

Тамаш Крупа таксама паведаміў, што каля населенага пункта Палоўцы на беларускім баку сабралася група з каля сотні мігрантаў. «Гэтыя людзі не спрабавалі перасекчы мяжу. На месцы на польскім баку былі задзейнічаныя некалькі дзясяткаў польскіх паліцыянтаў разам з афіцэрамі Памежнай службы і Войска Польскага», – дадаў прэс-сакратар падляшскага падраздзялення паліцыі Тамаш Крупа.

PAP/ аз