На дадзены момант не разглядаецца пытанне аб закрыцці чыгуначнага памежнага пераходу ў Кузьніцы Беластоцкай, паведаміў прэс-сакратар урада Пётр Мюлер. Беларускія службы вывелі мігрантаў з ваколіцаў пераходу і такім чынам выканалі ўмовы польскай памежнай службы.
Пётр Мюлер падкрэсліў, што далейшыя рашэнні будуць залежаць ад сітуацыі на мяжы:
-Калі гаворка ідзе пра закрыццё памежных пераходаў ці эмбарга на экспарт з Беларуссю, то яны стала знаходзіцца сярод магчымых спосабаў націску, якія могуць быць выкарыстаныя. У гэтым канкрэтным месцы мы бачым, што сітуацыя крыху памянялася, але ніхто не робіць выгляд, што сітуацыя на мяжы стала стабільнай.
У чацвер камандзір памежнай варты генерал-маёр Томаш Прага накіраваў ліст старшыні Дзяржаўнага памежнага камітэта Рэспублікі Беларусь з патрабаваннем вывесці мігрантаў з пункта пропуску ў Кузьніцы да канца тыдня. Ён паведаміў, што калі гэтага не адбудзецца, там будзе зачынены чыгуначны пераезд.
Сёньня прэм’ер-міністар Матэвуш Маравецкі сустракаецца з кіраўнікамі ўрадаў краінаў Балтыі. Перамовы ў Эстоніі, Літве і Латвіі ў асноўным прысвечаны сітуацыі на мяжы з Беларуссю.
ав