Спажыўцы змогуць хутка пераканацца ў якасці польскай ежы. Гэта дзякуючы праекту па ўвядзенні адмысловых пашпартоў для польскіх прадуктаў харчавання. Міністр сельскай гаспадаркі Генрык Кавальчык абвясціў аб запуску сістэмы пашпартоў для бульбы, свініны і ялавічыны. Палітык перакананы, што згаданае рашэнне будзе служыць і вытворцам i спажыўцaм. У тым ліку спажыўцы будуць ведаць, што яны купляюць, паколькі інфармацыю пра паходжанне прадукту можна будзе лёгка праверыць.
З тэхнічнага боку праграму пашпартоў для польскіх прадуктаў харчавання будзе падтрымліваць Дзяржаўны навукова-даследчы інстытут, які бачыць у гэтым праекце вялікі патэнцыял.
Падчас канферэнцыі ў Міністэрстве сельскай гаспадаркі Нацыянальны цэнтр падтрымкі сельскай гаспадаркі і Дзяржаўны навукова-даследчы інстытут падпісалі пагадненне аб рэалізацыі пілотнага праекта па ўвядзенні пашпартоў для польскіх прадуктаў харчавання.
IAR / аз