Беластоцкая пракуратура ўзбудзіла следства ў дачыненні да салдата, які падазраецца ў дэзерцірстве. Падазраваны – 25-гадовы ваенны 11-га Мазурскага артылерыйскага палка 16-й Паморскай механізаванай дывізіі, які служыў на польска-беларускай мяжы.
Пошукі вядуцца з мэтай прад'яўлення яму абвінавачання, кажа намеснік па вайсковых справах пракурора Беластоцкага-Паўночнага раёна Радаслаў Вішэнка (Radosław Wiszenko). Вядома ўжо, што вайсковец уцёк у Беларусь. Плануецца ўнесці заяву аб часовым арышце мужчыны на 30 сутак. Калі ваенны суд задаволіць просьбу, у адносінах салдата будзе выдадзены ордар на арышт. Пракурор паведаміў, што падазраваны раней быў судзімы за здзекаванне над блізкім чалавекам, а таксама быў затрыманы за кіраванне транспартным сродкам у стане алкагольнага або наркатычнага апʼянення.
У выніку дэзерцірства падначаленага кіраўнік Міністэрства нацыянальнай абароны звольніў яго камандзіраў у Вэнгажэве. Падазраванаму ў дэзерцірстве пагражае да 10 гадоў пазбаўлення волі.
IAR PR/нг