Сёння ў Польшчы пачалася вакцынацыя дзяцей ва ўзросце 5-11 гадоў. У эфіры Польскага радыё кіраўнік Міністэрства аховы здароўя Адам Нядзельскі (Adam Niedzielski) адзначыў, што цяпер рызыка каранавіруснай інфекцыі сярод дзяцей значна большая, чым на пачатку пандэміі:
- Калі падчас трох папярэдніх хваляў пандэміі каранавіруса, цяжкіх выпадкаў захворвання сярод дзяцей было мала, то зараз сітуацыя выглядае зусім інакш. Гэта таксама прычына, для якой мы павінны прывіваць дзяцей. Зараз ахова, якую дае вакцына ў выпадку дзяцей мае значна большае значэнне.
Дзеці ва ўзросце ад 5 да 11 гадоў на дадзены момант зʼяўляюцца наймалодшай узроставай групай, якая можа прывіцца супраць COVID-19. Яны атрымліваюць адмысловы прэпарат Pfizer/BioNTech у педыятрычнай дозе.
Накіраванне на прышчэпку выдаецца аўтаматычна, калі дзіцяці споўніцца 5 гадоў. Запісацца на прышчэпкі можна па тэлефоне, паз інтэрнэт і непасрэдна ў пункце вакцынацыі. Міністр Нядзельскі адзначыў, што да гэтага часу на прышчэпкі былі зарэгістраваныя 135 тысяч дзяцей ва ўзросце 5-11 гадоў.
IAR/аз