За апошнія суткі 23 мігранты спрабавалі незаконна перасячы польска-беларускую мяжу, паведамілі польскія памежнікі. Эвеліна Шчэпаньска з Памежнай службы заявіла, што функцыянеры фіксуюць менш спробаў незаконнага перасячэння мяжы, але беларускія службы надалей правакуюць польскі бок.
Учора на ўчастку мяжы ля Чарэмхы 14 чалавек разам з беларускімі функцыянерамі разрэзалі агароджу з калючага дроту і перайшлі на польскі бок. Польскія памежнікі вярнулі іх на лінію мяжы.
Памежнікі заўважылі таксама пашкоджанні агароджы на мяжы ля вёсак Нараўка і Белавежа.
У снежні былі зафіксаваныя больш за 1 600 спробаў незаконнага перасячэння мяжы з Беларусі. Ад пачатку года – каля 40 тысяч.
IAR /аз