У 2021 годзе памежнікі зафіксавалі 39 714 спробаў незаконнага перасячэння мяжы. Былі затрыманыя 2 800 замежнікаў. Польская Памежная служба падсумавала свае леташнія дзеянні на польска-беларускай мяжы.
Колькасць спробаў нелегальнага перасячэння польскай мяжы вырасла ў 325 разоў у параўнанні да мінулага года, калі яна склала 122. Нагадваем у 2021 годзе іх было каля 40 тысяч. У сваю чаргу колькасць затрыманых іншаземцаў вырасла амаль у дваццаць разоў.
Прэс-сакратар Памежнай службы Анна Міхальска(Anna Michalska) кажа, што для памежнікаў найбольш складаным быў пачатак міграцыйнага крызісу:
- Тады раптам колькасць спробаў нелегальнага перасячэння мяжы вырасла нават да 700 у дзень. Трэба памятаць, што да мінулага года сітуацыя на польска-беларускай мяжы была стабільная. З такім міграцыйным ціскам мы не сустракаліся цягам апошніх 30 гадоў.
З 500 да 2,5 тысячы была павялічаная колькасць месцаў у закрытых цэнтрах для бежанцаў. Цяпер у сярэднім у іх знаходзіцца каля 1 700 чалавек і гэта ў пяць разоў больш, чым год таму.
IAR/аз