Міністр юстыцыі генпракурор Збігнеў Зёбра і пракурор Міжнароднага крымінальнага суда ў Гаазе Карым Хан наведалі пункт прыёму бежанцаў на КПП у Медыцы. Карым Хан падзякаваў Польшчы за падтрымку ў расследаванні ваенных злачынстваў Расіі ва Украіне:
- Тое, што пачалося 24 лютага, патрабуе тэрміновых крокаў, каб даказаць, што вяршэнства права – гэта не проста нешта абстрактнае. Мы павінны дзейнічаць як мага хутчэй. У тыя моманты, якія для многіх драматычныя, і ў тыя моманты, калі многія пытаюцца, ці існуе ўвогуле справядлівасць, мы бачым вялікую ролю права і вяршэнства закона.
Міжнародны крымінальны суд у Гаазе пачаў расследаванне ваенных злачынстваў Расіі ва Украіне. 39 краін звярнуліся з заявай аб распачынанні расследавання па гэтай справе.
IAR /аз