Затрыманыя польскімі спецслужбамі члены шпіёнскай сеткі, якія працавалі на Расію, рыхтаваліся да фізічнай дэстабілізацыі транспартных шляхоў, паведаміў намеснік міністра-каардынатара спецслужб Польшчы Станіслаў Жарын. Пры гэтым ён дадаў, што рашэнне затрымаць падазраваных у дыверсійнай дзейнасці было прынятае ў сувязі з сур’ёзнай пагрозай дыверсій на інфраструктуру. Паводле Жарына, у Польшчы агентурная група вяла назіранне за «ўсім, што звязана з Украінай».
У чацвер міністр унутраных спраў Польшчы і міністр-каардынатар спецслужб Мар’юш Каміньскі паведаміў пра затрыманне групы ў складзе дзевяці чалавек, якая, паводле польскага боку, працавала на расійскую разведку і рыхтавалася да правядзення дыверсій на аб’екты інфраструктуры. Сярод затрыманых – трое грамадзян Беларусі.
вс