Сёння ў варшаўскім прэзідэнцкім палацы спадчыннік брытанскага прастолу, прынц Уэльскі Уільям сустрэнецца з прэзідэнтам Польшчы Анджэем Дудай.
Kancelaria Prezydenta Rzeczypospolitej Polskiej
Уільям учора знаходзіўся ў Падкарпацкім ваяводстве Польшчы, якое мяжуе з Украінай. У прыватнасці, спадчыннік брытанскага трону правёў сустрэчу з польскімі вайскоўцамі, а таксама з салдатамі і афіцэрамі міжнароднага кантынгенту, у тым ліку брытанскімі, якія нясуць службу на тэрыторыі аэрапорту «Ясёнка» ў Жэшаве. Менавіта праз згаданы аэрапорт праходзіць вялікая частка гуманітарных і вайсковых грузаў для Украіны.
Акрамя таго, Уільям сустрэўся з віцэ-прэм’ерам, міністрам нацыянальнай абароны Польшчы Мар’юшам Блашчакам і падкарпацкім ваяводай Эвай Ленярт.
У сераду вечарам у Варшаве прынц Уэльскі пабываў у цэнтры для ўкраінскіх уцекачоў, дзе знаходзіцца каля 300 жанчын і дзяцей, і сустрэўся з мэрам польскай сталіцы Рафалам Тшаскоўскім.
вс