У звязку з асуджэннем яго на 8 год зняволення з 10 лютага закрыты памежны пераход у Баброўніках. Польскія ўлады паведамляюць, што гэта будзе доўжыцца да таго часу, пакуль Беларусь не вызваліць журналіста.
Віцэ-міністар Аркадыюш Мулярчык сказаў Польскаму радыё 24, што найважнейшыя міжнародныя арганізацыі падтрымліваюць дзеянні Польшчы ў гэтай справе.
«Падчас нашых нядаўніх сустрэч у ААН мы таксама ўздымалі дадзенае пытанне, і камісар ААН па правах чалавека таксама закранаў пытанне дыскрымінацыі польскай нацыянальнай меншасці ў Беларусі. Ён назваў па імені Анджэя Пачобута. Вельмі важна, што на ўзроўні ўсіх міжнародных арганізацый, ААН і Рады Еўропы Анджэй Пачобут згадваецца па імені, як палітвязень», - дадаў палітык.
Пасля мабілізацыі беларускага грамадства супраць сфальсіфікаваных прэзідэнцкіх выбараў 9 жніўня 2020 году ў турмах рэжыму Лукашэнкі знаходзіцца больш за 1500 чалавек, у тым ліку палякі.
ПР/юл