Пра гэта ён сказаў у суботу падчас лекцыі ў Акадэміі сацыяльнай і медыйнай культуры ў горадзе Торунь.
«Калі мы завершым нашы дзеянні, калі зможам іх бесперашкодна рэалізаваць пасля восеньскіх выбараў, то ў хуткім часе польскія сухапутныя войскі будуць наймацнейшымі ў Еўропе. Так, мы будзем паслядоўна гэтага дабівацца. Не таму, што хочам на кагосьці напасці. Такім чынам, што мы хочам эфектыўна адпудзіць агрэсара», – сказаў Марыюш Блашчак.
Як ён адзначыў, Польшча павінна зрабіць высновы з вайны ва Украіне. Паводле яго слоў, сёння польскае войска разам з Войскамі тэрытарыяльнай абароны налічвае 160 тысяч вайскоўцаў.
Раней кіраўнік Мінабароны заяўляў, што яго мэта – павялічыць колькасць арміі да 300 тысяч вайскоўцаў.
Нагадаем, Польшча пачала будаваць умацаванні на мяжы з Беларуссю, у тым ліку ўстанаўліваць супрацьтанкавыя вожыкі.
У лютым пачалося будаўніцтва ўмацаванняў на мяжы з Калінінградскай вобласцю.
IAR / вх