За суткі з Беларусі ў Польшчу нелегальна спрабавалі трапіць 133 чалавекі. Сярод іх былі грамадзяне Эрытрэі, Бангладэша, Індыі і Эфіопіі. З іх 20 чалавек павярнулі назад у Беларусь, убачыўшы польскія патрулі. Ля вёскі Пласка пяцёра грамадзян Камеруна пераправіліся праз раку Ваўкушанка.
Акрамя таго, за дапамогу ў незаконным перасячэнні мяжы былі затрыманыя шэсць чалавек – пяць грамадзян Украіны і грамадзянін Малдовы.
Беларускія службы пры падтрымцы расійскіх увесь час спрабуюць стварыць шлях нелегальнай міграцыі праз Польшчу. Замежнікі па-ранейшаму легальна прыязджаюць у Расію, атрымліваючы візы для вучобы або працы, а затым на розных відах транспарту накіроўваюцца ў Беларусь, адкуль нелегальна спрабуюць трапіць у Польшчу.
Памежная служба паведаміла, што апошнім часам нелегальныя мігранты агрэсіўна рэагуюць на польскіх памежнікаў.
IAR/аз