На ім свой стэнд будуць мець незалежныя беларускія выдаўцы. Ганаровы госць кірмашу – Украіна.
На стэндзе Украіны можна будзе набыць кнігі на ўкраінскай мове з прапановы каля 45 выдавецтваў, пазнаёміцца з украінскімі аўтарамі і прадстаўнікамі літаратурнага свету. Гэта таксама месца для правядзення розных мерапрыемстваў, куток з заняткамі для дзяцей. Незалежна ад стэнду, на кірмашы ў Палацы культуры і навукі будзе працаваць кнігарня з кнігамі ўкраінскіх аўтараў у польскім перакладзе і выданнямі пра Украіну.
Стэнд беларускіх кніг арганізаваў Цэнтр беларускай салідарнасці ў партнёрстве з Цэнтрам навуковых даследаванняў Польскай акадэміі навук у Берліне. Таксама адбудуцца сустрэчы аўтараў кніг з чытачамі і іх прэзентацыі з аўтограф-сесіямі. ЦБС друкуе праграму сустрэч з беларускімі аўтарамі:
26 мая (14:00–14:55, канферэнц-зала) рэжысёрка Яўгенія Давідзенка правядзе сваю творчую сустрэчу.
27 мая (12:00–12:55, канферэнц-зала) пісьменнік і гісторык Сяргей Тарасаў прэзентуе сваю кнігу «Еўфрасіння, Афрасіння, Офрасіння Полацкая. Яе час, яе крыж» пра жыццё і таямніцы святой Еўфрасінні Полацкай.
27 мая (15:00–15:55, канферэнц-зала) знаны паэт, пісьменнік, гісторык Уладзімір Арлоў раскажа пра ранейшыя свае бестселеры, а таксама навінкі ад выдавецтва «Камунікат».
27 мая (17:00–17:55, канферэнц-зала) з чытачамі сустрэнецца вядомы паэт, перакладчык, літаратуразнаўца Андрэй Хадановіч.
Каля стэнда 26 мая (18:00–19:00), а таксама 27 мая (14:00–15:00) сустрэнецца з чытачамі і правядзе аўтограф-сесію Паўліна Скурко – жонка журналіста і палітзняволенага нашаніўца Андрэя Скурко. Паліна прэзентуе зборнікі мужавых вершаў «Пра сланоў і барсучкоў для дзяўчат і хлапчукоў» ды перакладной кнігі «Добры доктар Будзь-Здароў».
Каля стэнда 26 мая (17:00–18:00), 27 мая (17:00–18:00) прывітае наведнікаў і чытачоў сваіх твораў пісьменніца, перакладчыца і журналістка Святлана Курс. Яна аўтарка кнігі «Па што ідзеш, воўча?» выдавецкай ініцыятывы «Пфляўмбаўм».
Каля стэнда 26 мая а 17-й гадзіне паэтка Наста Кудасава і мастачка Сафія-Святлана Дземідовіч прэзентуюць кнігу «Побач», выдадзеную імпрынтам Skarynyčy.
Каля стэнда 27 мая (10:30–11:55) пісьменнік Аляксандр Кудрыцкі раскажа пра сваю новую кнігу «Казік з Каменнай горкі», якая пабачыла свет у выдавецтве «Янушкевіч».
Каля стэнда 27 мая (13:00–13:55) аўтограф-сесію правядзе даследчык-нумізмат Дзмітрый Гулецкі.
Каля стэнда 27 мая (13:00–14:30) прэзентуе кнігу прозы «Тастамент Рагвалода» яе аўтар Алесь Аркуш. Зборнік выдадзены імпрынтам Skarynyčy.
Каля стэнда 28 мая (11:00–12:00) пра кнігу для дзяцей «Каток-пестунок» раскажа яе ўкладальнік пісьменнік Васіль Дранько-Майсюк.
ав