Міністр замежных спраў Польшчы Радаслаў Сікорскі публічна звярнуўся да прэзідэнта Грузіі з заклікам вызваліць яе папярэдніка Міхаіла Саакашвілі. Радаслаў Сікорскі і Саламэ Зурабішвілі прынялі ўдзел у адной з дыскусій падчас Мюнхенскай канферэнцыі па бяспецы.
Падчас дэбатаў аб пашырэнні Еўразьвязу польскі дыпламат звярнуўся непасрэдна да прэзідэнткі Грузіі, нагадаўшы, што яе папярэднік Міхаіл Саакашвілі раней наведваў сустрэчу ў Мюнхене:
-Для многіх з нас ён з'яўляецца сімвалам мадэрнізацыі Грузіі. Нягледзячы на тое, што мы паважаем ваш закон, мы таксама лічым, вельмі важна, каб з ім абыходзіліся справядліва. І, магчыма, вы маглі б паспрыяць яго вызваленню. Тыя, хто жадае дабра Грузіі, віталі б гэта.
Міхаіл Саакашвілі быў прэзідэнтам Грузіі з 2004 па 2013 год. У кастрычніку 2021 года яго адправілі за краты нібыта за злоўжыванне ўладай. Захад лічыць прысуд вельмі спрэчным. Сам Міхаіл Саакашвілі падкрэсліваў, што абвінавачванні маюць палітычную матывацыю.
Былы прэзідэнт Грузіі пасля зняволення абвясціў галадоўку. Праз некалькі месяцаў яго забралі ў шпіталь. Раней былога прэзідэнта Грузіі аглядалі польскія лекары. Як паведамляла карэспандэнтка Польскага радыё ў Бруселі Бэата Пламецкая, жыццё Міхаіла Саакашвілі знаходзіцца ў небяспецы. У той жа час папярэднік урад Польшчы выказваў гатовасць прыняць грузінскага палітыка на лячэнне.
iar/ez