Памежная служба заключыла кантракты на будаўніцтва радыёэлектроннай аховы на памежных з Беларуссю рэках. Адна тычыцца ракі Буг, а другая – рэк Свіслач і Істачанка. Агульны кошт інвестыцый складзе больш за 364 мільёны злотых.
Агульная працягласць радыёэлектроннай агароджы на Бугу складзе прыкладна 172 кіламетры. Гэта, між іншым, каля 1800 камер відэаназірання, каля 4500 камер, а таксама спецыяльныя датчыкі, якія забяспечваюць выяўленне розных фізічных характарыстык аб'ектаў. Таксама плануецца пракласці каля 200 кіламетраў кабеляў электразабеспячэння і столькі ж кабеляў перадачы, а таксама ўсталяваць каля 10 тэлекамунікацыйных кантэйнераў.
У сваю чаргу ў электронную загароду на рэках Свіслач і Істачанка працягласцю каля 47 кіламетраў будзе ўваходзіць каля 500 слупоў відэакамер з тысячамі камер, а таксама спецыяльныя кантэйнеры і датчыкі для выяўлення розных фізічных асаблівасцяў абʼектаў.
«У рамках рэалізуемых інвестыцый падрадчыкі ўзялі на сябе абавязацельствы па забеспячэнні экалагічнага нагляду асобамі, якія валодаюць адмысловымі ведамі ў галіне арніталогіі, герпеталогіі і батанікі, у тым ліку ва ўзаемадзеянні з кампетэнтнымі рэгіянальнымі ўпраўленнямі аховы навакольнага асяроддзя», – запэўніваюць у памежнай службе.
Электронныя загароды на рэках Буг, Свіслач і Істачанка прызначаныя для выяўлення падзей, звязаных з памежнай злачыннасцю, у прыватнасці незаконнай міграцыяй і кантрабандай тавараў. Электронная загарода запраектаваная такім чынам, каб зона яе дзеяння ахоплівала ўсю працягласць мяжы з Беларуссю на памежных рэках без узнікнення мёртвых зон. Дзякуючы гэтаму супрацоўнікі памежнай службы атрымаюць інструмент аховы дзяржаўнай мяжы, які фіксуе падзеі, звязаныя з перасячэннем мяжы, і забяспечвае кругласутачнае назіранне за пагранічнай паласой.
Абедзве інвестыцыі часткова фінансуюцца Еўрапейскім саюзам.
IAR/нг