Польская кампазітарка Эльжбета Сікора (Elżbieta Sikora) атрымала ўзнагароду ад прэзідэнта Французскай Рэспублікі ў амбасадзе Рэспублікі Польшча ў Парыжы.
«Эльжбета Сікора з’яўляецца аўтарам каля 110 песень, стварае электраакустычную, інструментальную і вакальную музыку і прымае новыя выклікі», – напісалі члены Charles Cros у абгрунтаванне свайго рашэння.
Прэзідэнцкая ўзнагарода складаецца з дыплома і вазы, вырабленай у знакамітых фарфоравых майстэрнях у Сеўры пад Парыжам.
«Мяне зацікавіла тое, што яна мастачка, звязаная з франкафоннай культурай, польскай, еўрапейскай. Яе творчасць вельмі каштоўная», – сказаў суразмоўца Польскага радыё старшыня журы Амер Карле (Omer Corlaix).
«Я рада, што атрымала такую ўзнагароду ў Францыі, бо жыву тут шмат гадоў. Прыемна быць заўважанай», – сказала Эльжбета Сікора ў эфіры Dwójka.
Акрамя прэзідэнцкай узнагароды, артыстку ўзнагародзілі і за апошні альбом «Канцэрты», які быў выдадзены да 80-годдзя кампазітаркі.
IAR/вх