Два чалавекі былі арыштаваныя за крадзеж старадрукаў з бібліятэкі Варшаўскага ўніверсітэта. Акруговая пракуратура ў Варшаве паведаміла, што гэта грамадзяне Грузіі. Іх затрымалі грузінскія праваахоўныя органы ў рамках міжнародна-прававога супрацоўніцтва.
Затрыманым выстаўленае абвінавачанне ва ўдзеле ў арганізаванай злачыннай групе і крадзяжы маёмасці, якая мае значнае культурнае значэнне.
Пракуратура Грузіі накіравала ў польскую пракуратуру матэрыялы ўласнага расследавання, у тым ліку пратаколы допытаў падазраваных, якія ўдзельнічалі ў крадзяжу на ВНУ.
Акрамя таго, у Грузіі былі забяспечаны гістарычныя кнігі. Зараз іх паходжанне высвятляецца.
У ходзе расследавання высветлілася, што крадзеж старадрукаў з бібліятэкі Варшаўскага ўніверсітэта здзейсніла міжнародная злачынная група, якая дзейнічае па ўсёй Еўропе. Затрыманыя маглі таксама выкрасці старадрукі з бібліятэк Літвы, Латвіі, Эстоніі, Чэхіі, Францыі, Швейцарыі, Германіі, Фінляндыі і Аўстрыі.
Сярод выкрадзеных з ВНУ старадрукаў былі першыя выданні твораў рускамоўных аўтараў, такіх як Аляксандр Пушкін, Мікалай Гогаль і Міхаіл Лермантаў.
Кошт скрадзеных выданняў бібліятэка Варшаўскага ўніверсітэта ацэньвае на амаль 4 мільёны злотых.
IAR/аз