Іншаземец, які пастаянна і легальна пражывае ў Польшчы, павінен прасіць грамадзянства краіне не праз тры, а праз 10 гадоў пражывання, - такую прапанову агучыў у Любліне старшыня парламенцкай фракцыі права-каталіцкай партыі «Права і справядлівасць» Мар’юш Блашчак. Пра гэта палітык сказаў падчас сустрэчы з выбаршчыкамі.
Блашчак паведаміў, што адпаведныя прапановы ўтрымліваюцца ў праекце зменаў у Закон аб польскім грамадзянстве, які партыя падала ў прэзідыум Сейму. Старшыня фракцыі спадзяецца, што праект зменаў будзе разгледжаны на бліжэйшым паседжанні парламенту.
Блашчак сказаў, што іншаземцы, якія легальна жывуць і працуюць на тэрыторыі Польшчы, павінны інтэгравацца ў польскае грамадства. Паводле яго слоў, 10 гадоў – гэта менавіта той час, які дазволіць на інтэграцыю ў грамадства краіны, грамадзянства якой замежнік хоча атрымаць.
«Права і справядлівасць» – буйнейшая апазіцыйная партыя Польшчы. Да парламенцкіх выбараў восені 2023 года цягам васьмі гадоў яна фармавала ўрад краіны.
вс