З 1 чэрвеня 2025 года працадаўцы, якія наймаюць замежнікаў у Польшчы, павінны выконваць новыя абавязкі, паведамляе Dziennik Gazeta Prawna.
- Калі працоўны дагавор складзены на замежнай мове, працадаўца абавязаны атрымаць яго пераклад на польскую мову ў прысяжнага перакладчыка;
- Перадаць да адпаведнага ведамства копію дамовы аб працы перад пачаткам працы;
- Праінфармаваць работніка пра яго права ўступіць у прафсаюз;
- Інфармаваць адпаведны орган аб канкрэтных падзеях, якія тычацца замежніка, працаўладкаванага на падставе дазволу на працу або дэкларацыі аб даручэнні працы, або дазволу на часовае пражыванне і працу (у тым ліку аб яго датэрміновым звальненні з працы).
Змены, якія спрашчаюць дзеючыя правілы:
- вызваленне ад абавязку мець дазвол на працу для ўсіх выпускнікоў універсітэтаў у Польшчы;
- ліквідацыя так званага тэсту рынку працы (г.зн. абавязку прыкладаць да заяўкі на дазвол на працу інфармацыю ад старасты аб адсутнасці мясцовых прэтэндэнтаў на пасаду). Замест адмененага тэсту рынку працы ўводзіцца магчымасць стварэння на ўзроўні асобных паветаў спісаў абароненых прафесій, па якіх не будуць выдавацца дазволы на працу замежнікам. Гэта азначае, што падача заявы на атрыманне дазволу на працу замежнікам па прафесіі, уключанай у такі спіс, які дзейнічае ў месцы запланаванага працаўладкавання, прывядзе да адмовы ў выдачы дазволу. Пакуль такія спісы пакуль не апублікаваныя;
- больш гнуткія правілы працаўладкавання замежніка на падставе дэкларацыі аб даручэнні;
- падоўжаныя тэрміны паведамлення ў службу занятасці аб тым, што замежнік не пачынае працаваць на падставе дэкларацыі аб даручэнні працы.
Новыя абмежаванні
З 1 чэрвеня немагчыма будзе працаўладкаваць замежнікаў, якія знаходзяцца на тэрыторыі краіны на наступных падставах:
чакаюць разгляду заявы на часовы дазвол на пражыванне (т. зв. штампавы дазвол на пражыванне, арт. 108 Закона аб замежніках), калі да яе падачы чалавек не меў права выконваць працу — гэтая забарона ўжо дзейнічае;
дазвол, выдадзены з-за абставін, якія патрабуюць кароткатэрміновага знаходжання;
нацыянальная віза, выдадзеная для адной з наступных мэт:
турызм (код мэты "01"),
часовая абарона ("20"),
наведванне сям'і ці сяброў — новае выключэнне,
навучанне ў форме, адрознай ад вучобы ў вну ("11") - новае,
лячэнне ("14") - новае,
пазначана як «іншае» («23») - калі ў асобы Карта паляка - таксама новае абмежаванне.
віза, выдадзеная іншай краінай Шэнгенскай зоны, незалежна ад мэты знаходжання (новае),
бязвізавы рэжым распаўсюджаны на грамадзян пэўных краін, якія будуць пазначаны ў спісе, апублікаваным Міністэрствам сям'і, працы і сацыяльнай палітыкі (новае выключэнне).
Варта падкрэсліць, што вышэйзгаданыя падставы для знаходжання ў Польшчы перашкаджаюць працаўладкаванню, нават калі працадаўца атрымаў адпаведны дазвол на працу або дэкларацыю аб даручэнні працы, або — за выключэннем выпадкаў бязвізавага падарожжа — калі замежнік вызвалены ад абавязку атрымання такога дакумента (напрыклад, як выпускнік універсітэта ў Польшчы). Гэтыя абмежаванні дзейнічаюць незалежна ад даты выдачы дазволу на жыхарства, яны распаўсюджваюцца на атрыманыя да 1 чэрвеня 2025 года дазволы.
вх