Міністр замежных спраў Польшчы Радаслаў Сікорскі паведаміў у пятніцу, 13 чэрвеня, што правёў размову з паслом у Іране Марцінам Вільчэкам. Дыпламатычнае прадстаўніцтва і яго супрацоўнікі знаходзяцца ў бяспецы.
Тым часам віцэ-прэм’ер, міністр нацыянальнай абароны Уладзіслаў Касіняк-Камыш заявіў, што польскае войска гатова, у выпадку патрэбы, падтрымаць МЗС у эвакуацыі грамадзян Польшчы:
— Мы цалкам гатовыя. Такія пытанні заўсёды каардынуюцца з Міністэрствам замежных спраў, а вайскоўцы гатовы падтрымаць усе неабходныя дзеянні з выкарыстаннем нашых самалётаў. Калі ўзнікне патрэба, мы будзем дзейнічаць разам з МЗС.
Уладзіслаў Касіняк-Камыш таксама паведаміў, што польскі вайсковы кантынгент цяпер знаходзіцца ў Ліване на Галанскіх вышынях, і на дадзены момант няма інфармацыі пра надзвычайныя здарэнні. Іншы кантынгент дыслакуецца на тэрыторыі Турцыі.
— Акрамя натуральнай актывізацыі абароны сваіх межаў і паветранай прасторы з боку Турцыі, мы не назіраем ніякіх іншых незвычайных дзеянняў, — адзначыў кіраўнік Міністэрства абароны Польшчы, падкрэсліўшы, што галоўным прыярытэтам застаецца бяспека польскіх вайскоўцаў.
У бліжэйшы час міністра нацыянальнай абароны Польшчы правядзе перамовы з галоўным саветнікам прэзідэнта Турцыі па пытаннях бяспекі.
PAP/IAR/эж