Замест цыбулі і буракоў – нелегальныя беларускія цыгарэты. Мазавецкае дзяржаўнае ўпраўленне даходаў праверыла тры грузавікі, якія перавозілі кантрабандны тавар. Падчас дэталёвага агляду скрынак з цыбуляй і буракамі супрацоўнікі выявілі ў падвойным дне беларускія цыгарэты без польскіх акцызных марак.
Кіроўцы – грамадзяне Беларусі і Літвы. Іх дапыталі ў якасці сведак, і яны не прызналі сябе вінаватымі. Яны патлумачылі, што нічога не ведалі пра кантрабанду, якая знаходзілася ў транспартных сродках.
Супрацоўнікі канфіскавалі 5 мільёнаў нелегальных цыгарэт. Паводле ацэнак чыноўнікаў, калі б тавар быў выпушчаны на рынак, дзяржаўны бюджэт страціў бы амаль 7,5 мільёнаў злотых.
IAR/нг