Украіна дазволіла на пошук ахвяр Валынскай разні ў вёсцы Вуглы ў Ровенскай вобласці (укр.: Угли). Пра гэта паведаміў пасол Украіны ў Польшчы Васіль Боднар. Гэта другое такое рашэнне ўкраінскіх уладаў у гэтым годзе.
У апублікаванай заяве пасол Украіны паведаміў, што падпісаў апдаведную ноту і перадаў польскаму боку згоду Міністэрства культуры Украіны на пошукавыя работы ў вёсцы Вуглы.
Украінскі дыпламат лічыць, што гэта добрая навіна для адносін паміж Украінай і Польшчай. Ён дадаў, што Украіна гатовая працягваць супрацоўніцтва з польскімі партнёрамі ў гістарычнай сферы і па пытаннях, звязаных з эксгумацыямі.
Кіраўнічка асацыяцыі Польска-ўкраінскае прымірэнне Караліна Раманоўская, спадзяецца на хуткі пачатак пошукавых работ. Яна нагадвае, што запыт аб дазволе на пошук і эксгумацыю ў вёсцы Вугле быў перададзены ўкраінскім уладам тры гады таму.
У вёсцы Вуглы ў траўні 1943 года атрад УПА забіў каля 100 палякаў.
Нагадваем, сёлета парэшткі польскіх ахвяр Валынскай разні былі эксгумаваны і належным чынам пахаваны ў Пузніках у Тарнопальскай вобласці Украіны.
IAR/аз